නැවත භාවිතා කළ හැකි ප්ලාස්ටික් ජල බෝතල්,ළඳරු කිරි බෝතල් සහ ප්ලාස්ටික් ආහාර ඇසුරුම් සඳහා එස්.එල්.එස් ප්රමිති සහතිකය අනිවාර්ය කිරීම කෙරෙහි පාරිභෝගික කටයුතු පිළිබඳ අධිකාරියේ අවධානය යොමු කර තිබේ. කුඩා දරුවන්ගේ භාවිතයට වැඩි වශයෙන් භාවිතා වන මෙවැනි ප්ලාස්ටික් නිෂ්පාදන හේතුවෙන් දරුවන් විවිධ රෝගවලට ගොදුරු විය හැකි බව වෛද්ය මතයයි.මෙවැනි ප්ලාස්ටික් නිෂ්පාදන සඳහා ප්රමිතියක් නියම කර,ප්රමිති සහතිකය අනිවාර්ය කිරීම අනාගත ළමා පරපුර වෙනුවෙන් කළ හැකි වැදගත් කාර්යක් බව ද අධිකාරිය පෙන්වා දෙයි.
ඒ අනුව සියලු පාර්ශ්ව සමඟ සාකච්ඡා කර කුඩා දරුවන්ගේ භාවිතයට ගැනෙන ප්ලාස්ටික් නිෂ්පාදනවලට අදාළව ප්රමිතියක් නියම කිරීමටත්, ප්රමිති සහතිකය අනිවාර්ය කිරීමට අදාළව ඉදිරියේදි නීති සකස් කරන බව ද අධිකාරිය සඳහන් කරයි.