ණය ප්රතිව්යුහගතකරණ වැඩපිළිවෙළට සහාය ලබා දීම පිළිබඳ ජනාධිපති අනුර කුමාර දිසානායක මහතා, චීන රජයට සිය කෘතඥතාව පළ කර තිබෙනවා.
ආර්ථික අර්බුදය හමුවේ ශ්රී ලංකාවට ණය ලබා දීම පිළිබඳව ද චීන රජයට සිය කෘතඥතාව පළ කරන බවයි ජනාධිපතිවරයා පවසන්නේ.
ඒ, චීන මහජන දේශපාලන උපදේශන සම්මේලනයේ ජාතික කමිටුවේ උප සභාපතිනි කිං බොයොං හමු වූ අවස්ථාවේදීයි.
අතරමඟ නතර වී තිබෙන මධ්යම අධිවේගී මාර්ගයේ චීනයට අයත් කොටස අවසන් කළ යුතු බව මෙහිදී පෙන්වා දුන් ජනාධිපතිවරයා, කොළඹ වරාය නගරය සහ හම්බන්තොට දිස්ත්රික්කය කේන්ද්ර කරගෙන ක්රියාත්මක කෙරෙන සැපයුම් මධ්යස්ථානය සහ ආයතනික ව්යාපෘති කඩිනමින් ආරම්භ කිරීමට බලාපොරොත්තු වන බවද ප්රකාශ කර තිබෙනවා.
අදාළ ව්යාපෘති ආරම්භ කිරීමට මෙන්ම විවිධ හේතූන් මත අතරමඟ නතර වී තිබෙන සමුද්රීය පර්යේෂණ කටයුතු නැවතත් ආරම්භ කිරීමට ද බලාපොරොත්තු වන බවයි උප සභාපතිනිය එහිදී පවසා ඇත්තේ.
මීට අමතරව, හම්බන්තොට ආයෝජන කලාපය ආශ්රිතව චීන සමාගම් ස්ථාපිත කරමින් ගෝලීය වශයෙන් ශ්රී ලංකාවට වඩා හොඳ ප්රවේශයක් සලසා දීමට අපේක්ෂා කරන බවද ඇය වැඩිදුරටත් සඳහන් කර තිබෙනවා.